Sud u ZŠA aryštavaŭ «šamana QAnon» Džejka Andželi, jaki ŭdzielničaŭ u šturmie na Kapitolij, havorycca na sajcie Ministerstva justycyi. Jamu pradjavili abvinavačvańnie ŭ naŭmysnym praniknieńni na zakrytuju terytoryju i parušeńni hramadskaha paradku.
Sapraŭdnaje imia Džejka Andželi — Džejkab Entani Čanśli. Jon byŭ u pieršych šerahach demanstrantaŭ, jakija ŭvarvalisia ŭ Kapitolij. Na im była futravaja šapka z rahami. Jaho tvar byŭ razmalavany čyrvonaj, siniaj i biełaj farbaj, a ŭ rukach jon nios dvuchmietrovuju dzidu z pryviazanym da jaje ściaham ZŠA.
Sud taksama aryštavaŭ Adama Kryścijana Džonsana — inšaha ŭdzielnika šturmu, jaki staŭ viadomy paśla fatahrafii z kafiedry demakrata i śpikiera Pałaty pradstaŭnikoŭ Nensi Pełasi.
Treci zatrymany — 35-hadovy Deryk Evans z Zachodniaj Virdžynii.
6 studzienia ŭ ZŠA pavinny byli zaćvierdzić pieramohu Džo Bajdena na prezidenckich vybarach. U hety dzień Donald Tramp, jaki nie pryznaŭ parazy, vystupiŭ na mitynhu svaich prychilnikaŭ i zaklikaŭ ich adpravicca da budynka kanhresa. Paźniej niekatoryja ŭdzielniki akcyi ŭvarvalisia ŭ budynak Kapitolija. Padčas sutyknieńniaŭ z palicyjaj zahinuli piaciora čałaviek.
