Pra heta zajaviŭ kiraŭnik Nacyjanalnaha antykryzisnaha ŭpraŭleńnia Pavieł Łatuška ŭ svaim telehram-kanale.
Jon anansavaŭ, što śpis usich 2700 delehataŭ budzie apublikavany ŭ internecie. Jany buduć dadadzienyja ŭ adzinuju knihu rehistracyi złačynstvaŭ i ŭklučanyja ŭ sankcyjnyja śpisy.
Łatuška papiaredžvaje: dziejańni delehataŭ parušajuć Kanstytucyju i Zakon ab respublikanskich i miascovych schodach - i padpadajuć pad skład artykułaŭ 190 i 424 Kryminalnaha kodeksa (pakarańnie ad 2 da 10 hadoŭ pazbaŭleńnia voli).
A kali, maŭlaŭ, schod z udziełam delehataŭ pryviadzie da kanstytucyjnaha pieravarotu, dadasca jašče artykuł 357 Kryminalnaha kodeksa (zachop ułady). Tut pakarańnie ad 10 da 15 hadoŭ.
Łatuška zaklikaje delehataŭ zajaŭlać ab admovie ŭdzielničać u schodzie. Tady, kaža jon, jany nie trapiać pad sankcyi.
