U vieraśni Siarhiej adsiadzieŭ 15 sutak, Tut.by
Žurnalist Siarhiej Ščurko ŭ svaim fejsbuku raspavioŭ pra toje, što nie bolš nie supracoŭničaje z hazietaj «Presboł».
«Byvaj, «Presboł» — va ŭsialakim vypadku, jaho drukavanaja viersija, zachoplenaja niepryjacielem, supracoŭničać z zachopnikami nie maje namieru, jakija b pajki nie prapanoŭvali. Vanhuju nie tolki chutki sychod kaleh (mnohija ź jakich užo ŭ dumkach napisali zajavu), ale i sychod tych, chto sychodzić pakul nie źbirajecca z pryčyny adsutnaści inšych varyjantaŭ.
Rana ci pozna stanie soramna. Choć i ciapier taksama. Ci mahli my pradbačyć taki haniebny finał na svaim 25-hodździ, kali čakali z turmy Bieražkova — najlepšaha rulavoha PB u jahonaj historyi? Nie, śmierci papiarovaj viersii čakali kožny hod, ale ŭsio ž z naturalnych pryčyn. A tut — jak na złość šlacham chirurhičnaj apieracyi pa adrazańni žyćciova važnych orhanaŭ akurat da 30-hadovaha jubileju.
Pryznajusia, vielmi chacieŭ paŭtaryć matč — «Presboł» suprać astatniaha śvietu, ale, na ščaście, kuraž źnik da pačatku trenirovak. Zastaŭsia tolki ŭspamin pra tyja časy. I fota, dzie ilustravany fint-abychod, charakterny dla laŭšy. Ty ŭžo ŭ svabodnym palocie i spynić ciabie možna tolki šlacham siamimietrovaha.
Voś i zaraz — pajšoŭ i ŭ svabodnym. I ščaślivy ad taho, što jašče mahu heta zrabić» — napisaŭ Ščurko.
Toje samaje fota z 25-hodździa «Presboła»: fota z fejsbuka Siarhieja Ščurko
***
Niekalki tydniaŭ tamu «Presboł», jaki vydajecca ad 16 studzienia 1991 hoda, upieršyniu ŭznačaliŭ čałaviek zvonku, były žurnalist «Spartyŭnaj panaramy» i ANT Siarhiej Lisičkin, a z haziety syšli niekalki žurnalistaŭ. 50% akcyj vydańnia naležać Biełaruskaj fiederacyi futboła.
Siarhiej Ščurko — adzin z samych viadomych biełaruskich spartyŭnych žurnalistaŭ, supracoŭničaŭ z «Presbołam» z kanca 1990-ch. Jon taksama zajmajecca arhanizacyjaj dabračynnych prajektaŭ z udziełam zorak biełaruskaha sportu.