Svaim mierkavańniem pa pytańni viartańnia ŭ Biełaruś Tadevuša Kandrusieviča padzialiŭsia apostalski nuncyj u Biełarusi ŭ efiry STB.
«Siońnia ja asabliva chaču źviarnucca sa słovami ŭdziačnaści da pradstaŭnikoŭ dziaržaŭnaj ułady i da ŭsich ludziej, jakija sadziejničali tamu, kab na Kalady ŭ Biełaruś moh viarnucca arcybiskup Tadevuš Kandrusievič. Niachaj Pan ščodra ŭznaharodzić usich tych, dziakujučy kamu pastyr moža sustreć hetaje śvietłaje śviata ŭ kole svajoj pastvy, sa svaim duchavienstvam i viernikami», — skazaŭ Ante Jozič.
Pra toje, što pytańnie ź viartańniem u Biełaruś kiraŭnika katalickaj carkvy Tadevuša Kandrusieviča budzie vyrašana, zajaviŭ siońnia žurnalistam Uładzimir Makiej.
Kiraŭnik Rymska-katalickaha kaścioła nie moža viarnucca ŭ krainu ŭžo niekalki miesiacaŭ.
Makiej zajaviŭ, što Łukašenka pajšoŭ nasustrač Papie Rymskamu ŭ situacyi z Tadevušam Kandrusievičam
