TASS
U Kramli nie hladzieli novaje videa palityka Alaksieja Navalnaha, u jakim jon śćviardžaje, što pahavaryŭ pa telefonie z adnym z supracoŭnikaŭ FSB, vierahodna, datyčnym da jaho atručvańnia. Pra heta zajaviŭ pres-sakratar prezidenta Rasii Dźmitryj Piaskoŭ, piša meduza.io
Pry hetym Piaskoŭ adznačyŭ, što ŭčora FSB prakamientavała razmovu «dastatkova vyčarpalna i adnaznačna». Navalnaha Piaskoŭ nazvaŭ «chvorym», padkreśliŭšy, što heta jaho asabisty punkt hledžańnia.
«Ja vam mahu skazać. Tak, krychu złoŭžyvaju i napeŭna dazvolu sabie vykazać asabisty punkt hledžańnia, jaki ja zvyčajna nie vykazvaju, bo nie maju na heta prava. Tut krychu złoŭžyvaju. U cełym možna, viadoma, skazać, što ŭ chvoraha nazirajecca jarka vyjaŭlenaja manija pieraśledu. Možna taksama vyrazna ŭstalavać peŭnyja prajavy manii vieličy. Bo, jak kažuć, jon siabie navat paraŭnoŭvaje ź Isusam. Nu i ŭ astatnim, viadoma, užo prajavy pa Frejdu. Takaja zacyklenaść na hulfikavaj zonie, ułasna, i hetak dalej.
21 śniežnia Navalny apublikavaŭ zapis razmovy z čałaviekam, jakoha pradstaviŭ jak Kanstancina Kudraŭcava. Jon raniej zhadvaŭsia ŭ žurnalisckim rasśledavańni ab śpiecyjalnaj hrupie FSB, jakaja niekalki hadoŭ sačyła za Navalnym i mahła jaho atrucić. U razmovie z Navalnym, jaki pradstaviŭsia pamočnikam sakratara Rady biaśpieki RF Mikałaja Patrušava, Kudraŭcaŭ faktyčna paćvierdziŭ svajo dačynieńnie da zamachu.
Navalny: «Jon va ŭsim pryznaŭsia». Heta zapis razmovy z supracoŭnikam FSB VIDEA
