Siarhieju Mirajeŭskamu 29 hadoŭ. U jaho dvoje małaletnich dziaciej, pa prafiesii jon majstar kampjutarnaj techniki. Jak kaža sam, u pratesnych akcyjach nie ŭdzielničaŭ, tolki «dystancyjna» rassyłaŭ paviedamleńni, piša Ranak.
Śledčy kamitet śćviardžaje, što Mirajeŭski apublikavaŭ u telehram-kanale «Śvietłahorsk dla žyćcia» «instrukcyi pa ŭdziele ŭ hrupavych niesankcyjanavanych mierapryjemstvach na terytoryi Śvietłahorska, błakavańni aŭtadaroh, arhanizacyi zasad i napadzie na supracoŭnikaŭ milicyi».
Siarhieja Mirajeŭskaha abvinavacili ŭ arhanizacyi hrupavych dziejańniaŭ, jakija hruba parušajuć hramadski paradak i spałučanych ź vidavočnym niepadparadkavańniem zakonnym patrabavańniam pradstaŭnikoŭ ułady.
Śvietłahorca sud pryznaŭ vinavatym i pryznačyŭ jamu pakarańnie ŭ vyhladzie dvuch z pałovaj hadoŭ «chimii». Byŭ taksama kanfiskavany mabilny telefon.
