Pres-słužba ŭrada
Ab hetym zajaviŭ siońnia pieršy namieśnik premjer-ministra Mikałaj Snapkoŭ na sustrečy z staršynioj praŭleńnia Jeŭrazijskaha banka raźvićcia (JEABR) Mikałajem Padhuzavym, paviedamiła ŭ svaim fejsbuku pres-sakratar premjer-ministra Biełarusi Alaksandra Isajeva.
— Dla nas JEABR ciapier vielmi važny instytut, z ulikam taho, što prapracoŭvajucca čarhovyja sankcyjnyja śpisy, z ulikam taho, što jość prablemy z fandavańniem źniešniaha finansavańnia, asabliva zachodnich bankaŭ. My, viadoma, vielmi raźličvajem na vašu dapamohu, — skazaŭ Snapkoŭ.
Jon padziakavaŭ JEABR za ahučanuju raniej infarmacyju ab hatoŭnaści banka zamiaścić kredytnyja linii, infrastrukturnyja i transpartnyja prajekty, u jakich nie buduć udzielničać Jeŭrapiejski inviestycyjny bank i Jeŭrapiejski bank rekanstrukcyi i raźvićcia.
— Navat z ulikam taho, što ŭ nas partfiel prystojny ŭžo, my budziem, viadoma, vielmi raźličvać i ŭdziačnyja za dapamohu i padtrymku ŭ hetaj situacyi, — dadaŭ pieršy vice-premjer.