Makron — źleva, archiŭnaje fota lipienia 2018 hoda, BiełTA
Pra heta jon zajaviŭ siońnia na sustrečy ź mitrapalitam BPC Vienijaminam, paviedamlaje pres-słužba.
«Musulmanie nikoli nam nie stvarali prablem, — skazaŭ Łukašenka. — Ja časta kažu, što musulmanie na ŭsich vybarach praktyčna na 100% padtrymlivali ŭładu i mianie jak prezidenta. My nikoli sabie nie dazvolim toje, što niadaŭna pačaŭ zajaŭlać prezident Francyi ab svabodzie słova i relihijnych pačućciach: što tabie daść heta ŭ krainie, što ty pačynaješ krytykavać musulman? Moža, jamu jakraz treba pasiarednictva pamiž im i musulmanami? Ja mahu jamu tut dapamahčy, bo ŭ mianie z musulmanami vielmi dobryja adnosiny. Ale kateharyčna nieprymalna ŭmiešvacca ŭ pačućci viernikaŭ. My nikoli sabie nie dazvolim kidać kamiani ŭ viernikaŭ. Maja pazicyja zaŭsiody była takoj: kožny čałaviek pavinien znajści svaju darohu da chrama», — skazaŭ Łukašenka.
Nahadajem, što paśla taho, jak musulmanin zabiŭ nastaŭnika škoły za pakaz karykatur na praroka Muchamieda, Emaniuel Makron zajaviŭ pra kryzis pa ŭsim śviecie, jaki pieražyvajecca isłamam. Taksama jon paabiacaŭ madyfikavać zakon ad 1905 hoda, kab jašče bolš adździalić relihiju i dziaržavu.
