U Minsku padčas akcyi pratestu nieviadomyja z dubinkami zajšli ŭ kvateru šmatpaviarchovika. Videa apublikavaŭ Tut.by.
Nieviadomyja z dubinkami zabralisia na kazyrok kramy na Partyzanskim praśpiekcie, 19. Vidavočca paviedamiła, što ŭkazała na situacyju milicyjanieram, ale tyja «kiŭnuli i źjechali».
Heta adbyłosia kala 15.30.
Jak stała viadoma paśla, jany šukali videaapieratara, jaki zdymaŭ z hetaj kvatery. Pa niekatorych śviedčańniach, jany nie vybivali akno, a zajšli z padjezda i z akna vyjšli na kazyrok.
Jak vyśvietliła Svaboda, škło ŭ kvatery nie raźbita. Čałaviek u bałakłavie trapiŭ u kvateru praź dźviery. Jon šukaŭ niejkich žurnalistaŭ, jakija znachodzilisia ŭ hetym domie. Momant na videa — heta źniaćcie maskitnaj sietki.
Pra heta raskazaŭ haspadar kvatery Stanisłaŭ. Jon sam źniaŭ maskitnuju sietku na patrabavańnie čałavieka ŭ bałakłavie, paśla čaho toj vyjšaŭ na kazyrok doma. Kim byli ludzi ŭ bałakłavach, haspadar nie viedaje.
Da padjezdu, dzie nibyta vybili škło, pryjechali kala dziesiaci čałaviek, kab padtrymać haspadara kvatery.
Ludzi zvanili ŭ ŽES, prapanoŭvali sabrać hrošy na novuju šybu. Jany raźjechalisia, kali daviedalisia, što šyba nie raźbitaja.
Chto byŭ śviedkam hetaha momantu, chto žyvie ŭ hetym domie, raskažycie, što heta było. Pišycie ŭ telehramie ŭ @NashaNivaBot abo na [email protected].
