Mocnyja naviny
Siońnia, 18 kastryčnika, paśla 15 dzion aryštu na svabodu tak i nie vyjšaŭ žurnalist homielskich «Mocnych navin» Dzianis Jakštas. U dačynieńni da jaho raspačaty novy administracyjny praces. U IČU jon budzie da suda, paviedamlaje vydańnie.
Dzianisa zatrymali 3 kastryčnika. U toj dzień jon źbiraŭsia jechać u hryby, ale tak i nie dajechaŭ. Na prypynku «kinateatr Kastryčnik» jaho zatrymali supracoŭniki AMAPa i advieźli ŭ RAUS Savieckaha rajona. Tam jon daviedaŭsia, što jaho abvinavačvajuć pa artykule 23.34 za ŭdzieł u mirnaj akcyi, jakaja prajšła 27 vieraśnia, na jakoj jon pracavaŭ u jakaści žurnalista.
U toj ža dzień supracoŭniki AMAPa, jakija pryjechali da jaho dadomu, dzie znachodziłasia jaho žonka Hanna Jakštas, hałoŭny redaktar «Mocnych navin», i adno ź dziaciej. Supracoŭniki kanfiskavali ŭsiu techniku i zatrymali Hannu, paviedamiŭšy, što ŭ dačynieńni da jaje viadziecca administracyjny praces pavodle artykuła 23.34 za ŭdzieł u akcyi.
