Pavodle źviestak pravaabaroncaŭ, ź Siryi ŭ zonu kanfliktu ŭ Karabachu pierakidvaje najmitaŭ jak armianski, tak i azierbajdžanski bok. U viarboŭcy ŭdzielničajuć miascovyja nacyjanalnyja abščyny, piša RBK.
Tureckija pryvatnyja vajskovyja kampanii pry padtrymcy Ankary viaduć adbor najmitaŭ u Siryi i pierakidvajuć ich u zonu kanfliktu ŭ Karabachu dla ŭdziełu ŭ bajavych dziejańniach na baku Azierbajdžana. Pra heta paviedamlaje raźmieščany ŭ Vialikabrytanii Siryjski centr manitorynhu za vykanańniem pravoŭ čałavieka.
Centr zafiksavaŭ pierakidku ŭ Azierbajdžan prynamsi 850 bajevikoŭ. Asnoŭnaj ich zadačaj pry adpraŭcy ŭ Azierbajdžan nazyvałasia achova asobnych punktaŭ, adnak u vyniku ich pryciahnuli da bajavych dziejańniaŭ.
Najmity ŭ bolšaści svajoj pradstaŭlajuć turkamanskuju supołku (siryjskija turkmieny, ciurkskaje nasielnictva poŭnačy Siryi).
Akramia taho, centr paviedamlaje i ab adpraŭcy ŭ zonu kanfliktu bajcoŭ ad armianskaj dyjaspary ŭ Siryi, nie ŭdakładniajučy ich kolkaść.
Pavodle źviestak manitorynhavaha centra, padčas bajoŭ u Karabachu zahinuli ŭžo troje najmitaŭ, jakija vajavali na baku Azierbajdžana.
