U internecie źjavilisia fota dakumienta za podpisam kiraŭnika MUS Juryja Karajeva ŭ pastajannuju kamisiju pa zakanadaŭstvie Pałaty pradstaŭnikoŭ. Jon źmiaščaje prapanovy pa źmienach Pracesualna-vykanaŭčaha kodeksa ab administracyjnych parušeńniach, jakija pradyktavany «nieabaronienaściu supracoŭnikaŭ unutranych spraŭ padčas razhladu spraŭ ab administratyŭnych parušeńniach».
— Sudovyja pasiadžeńni źjaŭlajucca adkrytymi, dzie pradstaŭnikami destruktyŭnych sił, ŚMI i inšymi asobami viadziecca aŭdyja-, fota-, videafiksacyja pracesu. Atrymanaja infarmacyja ź piersanalnymi źviestkami supracoŭnikaŭ i ich fatahrafijami ŭ apošni čas niaredka raźmiaščajecca ŭ sietcy Internet z zaklikami akazańnia psichałahičnaha i fizičnaha cisku na słužbovych asob orhanaŭ unutranych spraŭ i ich siemjaŭ, — havorycca ŭ dakumiencie.
Tamu hałoŭnaje patrabavańnie MUS — zrabić razhlad spraŭ zakrytym, a taksama dazvolić zamianiać sapraŭdnyja źviestki pra ŭdzielnikaŭ pracesu na niesapraŭdnyja, kali hetaha patrabuje biaśpieka. Pa rašeńni suda śviedka, ekśpiert abo paciarpieły ŭvohule mohuć nie źjaŭlacca na sud: budzie dastatkova ahučyć pakazańni abo pradastavić aŭdyja- ci videazapis, na jakim hołas i źniešnaść źmienieny da niepaznavalnaści.
Aficyjny pradstaŭnik MUS Volha Čamadanava paćvierdziła Onliner.by sapraŭdnaść dakumienta i prakamientavała inicyjatyvu viedamstva:
— Pry viadzieńni administracyjnaha pracesu časta ŭźnikajuć składanaści z abaronaj asob, jakija ŭdzielničajuć u administracyjnym pracesie, u tym liku słužbovych asob dziaržaŭnych orhanaŭ, jakija ažyćciaŭlajuć słužbovuju dziejnaść. Adnak, jak raspaviali ŭ HUAPP MUS, źmieny i dapaŭnieńni, jakija prapanujecca ŭnieści ŭ prajekt PVKaAP, nakiravanyja na abaronu luboha ŭdzielnika administracyjnaha pracesu. Da ich adnosiacca nie tolki słužbovyja asoby, jakija viaduć hety praces, ale i hramadzianie, jakija biaruć u im udzieł. Heta ŭ pieršuju čarhu śviedki, paciarpiełyja, na jakich padčas razhladu spravy akazvacca cisk u metach źmieny imi pakazańniaŭ. Prapanavanyja miery biaśpieki datyčacca taksama členaŭ siemjaŭ, blizkich svajakoŭ i majomaści.
