Tureckaja pravaabaronca i advakat Ebru Cimcik pamierła 27 žniŭnia va ŭzroście 42 hadoŭ paśla 238 dzion haładoŭki, jakuju jana abviaściła ŭ turmie Siliŭry ŭ Stambule, patrabujučy spraviadlivaha sudovaha razboru pa svajoj spravie, piša meduza.
Ebru Cimcik znachodziłasia ŭ źniavoleńni pa abvinavačvańni ŭ stvareńni i kiravańni terarystyčnaj hrupaj. Jaje zatrymali ŭ vieraśni 2018 hoda, paśla čaho prysudzili da 13 z pałovaj hadoŭ źniavoleńnia. Usiaho turemnyja terminy pa hetaj spravie atrymali 18 jurystaŭ, jakich abvinavacili ŭ suviaziach z revalucyjnaj Narodna-vyzvalenčaj partyjaj, zabaronienaj u Turcyi.
Advakat Naim Emironoğlu skazaŭ AFP, što Cimcik sudzili z-za taho, što jana «abaraniała ludziej u roznych situacyjach», naprykład paśla vybuchu na šachcie ŭ Somie, jaki zabraŭ žyćci 301 čałavieka.
U lutym 2020 hoda Ebru Cimcik i jaje kaleha Ajtadž Unsał abviaścili haładoŭku, u lipieni jaje pieraviali z turmy ŭ balnicu. 14 žniŭnia kasacyjny sud adchiliŭ jaje skarhu na prysud. Pierad śmierciu vaha Ebru Cimcik źniziłasia da 30 kiłahramaŭ.
