Alaksandar Mročak.
Supracoŭniki Navukova-praktyčnaha centru «Kardyjalohija» vyjšli na pikiet, trymajučy ŭ rukach plakat: «Zvalniajecie — chto budzie lačyć?», piša Svaboda.
Tak jany adreahavali na zvalnieńnie kiraŭnika centru, doktara medyčnych navuk Alaksandra Mročaka. Ź inicyjatyvaj spynieńnia kantraktu z admysłoŭcam-praktykam suśvietnaha ŭzroŭniu vystupiła Ministerstva achovy zdaroŭja.
Niekatoryja lekary zajavili, što taksama syduć na znak salidarnaści. Akramia taho, abvieščany zbor podpisaŭ pad kalektyŭnaj zajavaj u abaronu dyrektara.
Kalehi Mročaka ličać, što rašeńnie vykanaŭcy abaviazkaŭ ministra Dźmitryja Pinieviča stała reakcyjaj na pikiety, jakija ładzili medyki ŭstanovy na znak pratestu suprać milicejskaha hvałtu.
Vykazać padtrymku kamandzie RNPC «Kardyjalohija» pryjšli kalehi ź inšych staličnych lakarniaŭ.
