Pra heta jon zajaviŭ na naradzie ŭ Minsku, piša BiełTA.

«Ciapier užo ŭ adkrytuju našy ŭnutranyja niahodniki zaklikajuć destabilizavać finansavy rynak. Niekatoryja ludzi ž hetamu paddajucca — valutu z bankaŭ zabirajuć i hetak dalej», — adznačyŭ Alaksandr Łukašenka.

«My nie dapuścim abvału nacyjanalnaj valuty. Kali narod choča kupić dalar — kali łaska, jon siońnia kaštuje kolki kaštuje. U nas płavajučy kurs: popyt vialiki — značyć, daražej budzie hety dalar abo jeŭra, popyt mienšy — značyć, budzie tańniej kaštavać. My, učapiŭšysia rukami, nie strymlivajem kurs rubla», — padkreśliŭ jon.

Alaksandr Łukašenka taksama zajaviŭ, što ŭ Biełarusi jašče nie pačali pa-sapraŭdnamu vykarystoŭvać zołatavalutnyja reziervy. «Małajcy ŭ Nacyjanalnym banku, uradzie. Jak adčuvaŭ: try miesiacy tamu pastaviŭ zadaču ŭsie zołatavalutnyja reziervy viarnuć u krainu, asabliva załaty zapas. U nas da hrama zołata viernuta ŭ krainu», — padkreśliŭ jon.

«Tamu niama takoj katastrofy. Tak, u niejkich abmieńnikach kaliści moža nie chapać najaŭnaści. Ale heta zaŭsiody byvaje, kali pavyšany popyt. Ja daručyŭ Nacyjanalnamu banku, kab my mahli paźbiehnuć padobnaj situacyi. Ludzi chočuć zabrać svaje hrošy abo valutu — kali łaska, biarycie. U nas absalutna dastatkova reziervaŭ, kab na prymalnym uzroŭni strymać prymalny dla nas kurs», — zajaviŭ Alaksandr Łukašenka.

Pa słovach Łukašenki, jamu ŭžo dakładvajuć ab rabavańniach ludziej, jakija mianiali hrošy, pra što stała viadoma złačyncam. «Ja dumaju, našamu nasielnictvu treba surjozna padumać nad hetym», — adznačyŭ kiraŭnik dziaržavy.

Alaksandr Łukašenka taksama raspavioŭ, što Biełaruś viadzie z Rasiejaj pieramovy ab refinansavańni $1 młrd doŭhu. «My damovilisia z Prezidentam Rasii, i siońnia naš premjer-ministr praviadzie pieramovy ź Michaiłam Mišuścinym (premjer-ministram Rasii) z nahody refinansavańnia», — zajaviŭ kiraŭnik dziaržavy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?