Hienieralny vikaryj Minska-Mahiloŭskaj archidyjacezii biskup Juryj Kasabucki zajaŭlaje rašučy pratest na dziejańni supracoŭnikaŭ siłavych struktur, jakija ŭviečary 26 žniŭnia zabłakavali ŭvachod i vychad u kaściole śviatoha Symona i śviatoj Aleny ŭ Minsku (Čyrvony kaścioł).
Ijerarch papiaredžvaje dziaržaŭnyja ŭłady i kiraŭnictva siłavych struktur, što padobnyja dziejańni źjaŭlajucca niedapuščalnymi i niezakonnymi. Kaścioł źjaŭlajecca śviatyniaj Boha, jakuju mohuć svabodna naviedvać usie žadajučyja.
Błakavańnie ŭvachodu i vychadu ludziej supiarečyć harantavanamu Kanstytucyjaj pravu hramadzian na svabodu sumleńnia i vieravyznańnia, abražaje pačućci viernikaŭ i vychodzić za miežy zakonaŭ čałaviečych i Božych.
Biskup Kasabucki patrabuje nieadkładna razbłakavać uvachod i vychad z Čyrvonaha kaścioła i nie pieraškadžać nikomu zachodzić u śviatyniu i vychodzić ź jaje.
Pratest Hienieralnaha vikaryja Minska-Mahiloŭskaj archidyjacezii biskupa Juryja Kasabuckaha padtrymlivaje Biskupski vikaryj dla horada Mahilova i Mahiloŭskaj vobłaści biskup Alaksandr Jašeŭski. Ijerarchi vykazvajuć nadzieju na toje, što padobnyja dziejańni siłavych struktur na terytoryi śviatyń bolš nikoli nie paŭtaracca.
Fota Darji Burakinaj, Tut.by.