Handlovy centr «Stalica», jaki znachodzicca pad płoščaj Niezaležnaści, u dzień vybaraŭ budzie pracavać niapoŭny dzień. Čytačy Tut.by dasłali list na hety kont.
Handlovy centr «Stalica». Fota: Alaksandra Kvitkievič, Tut.by.
Pra admysłovy hrafik pracy 9 žniŭnia papiaredžvaje Hałoŭnaje ŭpraŭleńnie spažyvieckaha rynku Minharvykankama. U dzień vybaraŭ handlovy centr «Stalica» budzie zakryty z 17.00 da 22.00, kramy buduć pracavać tolki da piataj viečara.
Heta źviazana «z zaśmiečvańniem napornaj kanalizacyi błoka № 3 handlovaha centra «Stalica» i nieabchodnaściu vykanańnia padrychtoŭčych i ramontnych rabot pa jaje restaŭracyi».
Padčas rabot «mahčymy raźliŭ fiekalijaŭ i prysutnaść niepryjemnaha pachu».
U Hałoŭnaje ŭpraŭleńnie spažyvieckaha rynku my nie zmahli datelefanavacca, kab paćvierdzić realnaść dakumienta. Ale heta paćvierdzili arandatary ŭ handlovym centry.
— Usio tak, siońnia razasłali listy, što buduć kamunalnyja pracy pravodzić 9 žniŭnia, pracujem da piataj, — skazali surazmoŭcy.