Siońnia ŭ 19.00 na na minskich praśpiektach aŭtamabilisty pačali fłešmob.
Roŭna a 19.00 kiroŭcy pačali apuskać škło mašyn, uklučać hučna pieśniu «Pieramien» i padymać ruki ź biełymi branzaletami.
Takim čynam jany vykazvajuć salidarnaść z hukarežysiorami Uładzisłavam Sakałoŭskim i Kiryłam Hałanavym, jakija a 19.00 na dziaržaŭnym śviacie ŭklučyli pieśniu «Pieramien» i padniali ruki ź biełymi branzaletami. Nahadajem, siońnia jany atrymali pa 10 sutak.
U niekatoryja mašyny sabrałasia pa čaćviora-piaciora čałaviek, i ŭsie ruki ŭzdymajuć.
Płošču Pieramohi vyrašyli pierakryć.
Na pierachodzie la «Viačerniaha Minska» źbirajucca ludzi i vitajuć padniatymi rukami aŭtamabilistaŭ.
Tyja, kaho nie puskajuć na praśpiekt da Viečnaha ahniu, jeduć sihnalić pa Kazłova.
Paralelna z aŭtamabilistami, na prabieh uzdoŭž praśpiekta vyjechali viełasipiedysty, ich niekalki dziasiatkaŭ.
Uzdoŭž praśpiekta chodzić para z kalaskaj, u jakoj partatyŭnaja kałonka schavana. Z kałonki hučyć «Pieramien».
Kala Płoščy Pieramohi vysadzilisia ŭnutranyja vojski.
Jechała kałona ŭ bok Pieramohi, tam zaparkavaŭsia aŭtazak, vyjšli ŭnutranyja vojski, ravarysty paviarnuli nazad i pajechali ŭ bok Mašerava.
