Pra heta zajaviła pradstaŭnica MZS Rasii Maryja Zacharava, piša TASS.
«Što tyčycca zatrymanych u Biełarusi rasijskich hramadzian, vina jakich ničym nie dakazanaja, i taho śpiektakla, jaki vakoł hetaha zładzili, to my ich u kryŭdu nie damo, i ŭ Minsku heta vydatna viedajuć», — padkreśliła dypłamat.
Siońnia, padčas zvarotu z pasłańniem da naroda i parłamienta, Alaksandr Łukašenka prakamientavaŭ niekatoryja kanśpirałahičnyja viersii ab niadaŭnim zatrymańni ŭ Biełarusi 33 členaŭ PVK Vahniera. Pavodle Łukašenki, za dyskusijaj, jakaja razharnułasia ŭ internecie jon naziraje sa ździŭleńniem, bo vysnovy tam robiacca dziŭnyja. «Dajšli da taho, što dva prezidenty damovilisia, — pryvioŭ jon prykład. — Heta vielmi niebiaśpiečny i mocny sihnał. I ŭsio heta pra Stambuł, Vieniesuełu, Afryku i Liviju — chłuśnia. Hetyja ludzi (jany dali pakazańni) byli nakiravanyja admysłova ŭ Biełaruś. Kamanda była — čakać. Byli kvitki, nabytyja na Stambuł, — heta lehienda, tamu što, vyjazdžajučy praz rasijskuju miažu, im treba było pradjavić i tam, i tut, što jany laciać u Stambuł».
Pry hetym Łukašenka vykazaŭ ździŭleńnie: navošta lacieć u Stambuł ci niejkuju afrykanskuju krainu praź Biełaruś? «Bo praściej było z Navarasijska, z Kryma ŭ rešcie rešt. Machnuŭ — i tam, u Stambule. Čamu praź Biełaruś? A jašče madniej ŭ Liviju ci jašče kudyści. Nie słuchajcie hetaj chłuśni», — zaklikaŭ jon.
Jon padkreśliŭ, što ŭ Biełarusi dziejničajuć peŭnyja zakony, i ŭ susiedniaj krainie pra ich dobra viedajuć. «Zakon jość zakon. Padabajecca — nie padabajecca, jaho treba vykonvać. Viedaješ ty jaho ci nie viedaješ, ty budzieš adkazvać usio roŭna pavodle zakona. My pa-čałaviečy stavimsia da hetych chłopcaŭ, i ad hetaha atrymali peŭny efiekt: jany raspaviali ŭsio. Tamu spynicie chłusić i miasić usiakuju miešaninu ŭ srodkach masavaj infarmacyi», — zajaviŭ Łukašenka.
