Da minskaha piacipaviarchovika na vulicy Haja, 15 učora padahnali kran i źniali z bałkona bieł-čyrvona-bieły ściah. Haspadyni kvatery ŭ hety momant doma nie było — viarnuŭšysia, jana aburałasia situacyjaj. TUT.BY pahladzieŭ, jak siońnia vyhladaje toj samy bałkon.
Bieł-čyrvona-bieły ściah na hetym minskim bałkonie visieŭ niekalki tydniaŭ, ale ŭčora milicyja śpiecyjalna padahnała da doma aŭtakran, kab źniać simvoliku. Haspadyni ŭ toj momant nie było doma.
U HUUS Minharvykankama rastłumačyli, što da ich pastupiła zajava ad hramadzianina — maŭlaŭ, ściah abražaje jaho maralnyja pryncypy i pohlady, tamu simvoliku źniali ŭ ramkach pravierki ŭ paradku PVKaAP RB.
Siońnia na tym samym bałkonie znoŭ źjaviŭsia ściah — hetym razam papiarovy.
Žycharka kvatery, 24-hadovaja Anastasija, patłumačyła, što sama dazvońvajecca ŭ RUUS — jaje zaprasili na hutarku da načalnika ŭpraŭleńnia.
— Ale va ŭstanoŭlenym paradku mianie tak nichto nikudy nie vyklikaŭ.
Učora dziaŭčyna tłumačyła nam, što ściah, jaki pavieźli, kaštuje 35 rubloŭ, nabyty ŭ lehalnaj kropcy prodažaŭ. Jość druhi, padorany siabroŭkaj.
— Ale padarunak siabroŭki ja pakul nie budu vyviešvać — budzie škada, kali ściahnuć i jaho. Značyć, budziem malavać papiarovyja, — kazała minčanka.
Pravaabaroncy ŭžo kazali, što niama narmatyŭnych aktaŭ, jakija zabaraniali b minčukam vyviešvać padobnuju simvoliku.
Voś jak bałkon vyhladaŭ za niekalki dzion da taho, jak pieršy ściah źniali.