Valeryj Capkała płanuje viarnucca ŭ Biełaruś, mahčyma, da asnoŭnaha dnia hałasavańnia na vybarach. Pra svoj adjezd, pryčyny, jakija hetamu papiaredničali, Valeryj Capkała raspavioŭ TUT.BY pa telefonie.
Fota Nadziei Bužan
— Valeryj, čamu vy źjechali z krainy?
— U mianie jość dobryja siabry ŭ pravaachoŭnych orhanach. I kali z adnaho orhana z troch litar pastupili źviestki, ja časova vyrašyŭ nie pakazvać, dzie ja znachodžusia. Ale kali ŭžo z druhoha orhana z troch litar mnie skazali dakładna, što dadziena kamanda pra moj aryšt, ja staŭ padumvać pra toje, kab źjechać. I ŭ hety čas da dziaciej u škołu pryjšli rabotniki prakuratury i pačali ŭ nastaŭnikaŭ, zavuča, dyrektara škoły patrabavać, kab jany padpisvali niejkija papiery ŭ dačynieńni da našaha dziciaci. Ja nie viedaju, što za charaktar papier, ale adna z nastaŭnic pryjšła vielmi ŭschvalavanaja i raspaviała nam. Tamu ja zabraŭ dziaciej i pavioz u Maskvu, — kaža Capkała.
— Viedamstva z troch litar — heta MUS ci KDB?
— I toje, i druhoje.
- Kali vam pieršy raz pastupili zvanki z papiaredžańniami i kali druhi?
— Pieršy byŭ dva tydni tamu, da pasiadžeńnia CVK ab nierehistracyi. Heta była adna z pryčyn, čamu ja nie pajšoŭ u CVK i adpraviŭ tudy svaju davieranuju asobu, tamu što realna ja razumieŭ, što heta palityčnaje rašeńnie i nie mieŭ nijakich iluzij adnosna taho, što ja nie budu zarehistravany i nie budzie zarehistravany Viktar Babaryka. Ja čamuści dumaŭ, što i Śviatłanu Cichanoŭskuju nie zarehistrujuć, ale Łukašenka, mabyć, usio ž taki vyrašyŭ, što z mužykami jamu nie spravicca, a voś spravicca z chatniaj haspadyniaj jon zmoža. Ale situacyja nastolki razhajdałasia, hramadstva pračnułasia, što ja dumaju, kali siońnia buduć sumlennyja vybary, jon prajhraje lubomu kandydatu, jaki budzie realna jamu supraćstajać. Druhi raz mianie papiaredzili niadaŭna.
— Jakija ŭ vas płany ŭ Maskvie?
— Ja płanuju rabić pres-kanfierencyi ŭ Maskvie, va Ukrainie, u adnoj ź jeŭrapiejskich krain i ŭ ZŠA. Kali epidemijałahičnaja situacyja nie pieraškodzić, ja prajedu z šeraham pres-kanfierencyj, raskažu, što adbyvajecca ŭ Biełarusi. Naturalna, zaklikać Rasiju, ES i ZŠA nie pryznavać vybary, kali jany buduć falsifikavanyja. Ja chaču pakazać sutnaść biełaruskaha režymu. Liču, što my i tak užo niamała zrabili, što pakazali, što Łukašenka izhoj u peŭnaj častcy biełaruskaha hramadstva, a ciapier maja zadača budzie pakazać, što jon takim źjaŭlajecca i ŭ śviecie. Kab jon byŭ izhojem i ŭnutry krainy, kali jon falsifikuje vybary, i kab takim ža čynam jaho ŭsprymali i za miažoj.
- Vaša žonka zastałasia ŭ Biełarusi. Vy nie chvalujeciesia za jaje? Vy nie abmiarkoŭvali, kab źjechać usioj siamjoj?
- Viadoma, ja chvalujusia. Ale ja prosta razumieju, jak možna nacisnuć i jak režym nacisnuŭ na Irynu Chalip, kali jaje i muža zatrymali, a dzicia mahli zabrać. My ŭjaŭlajem sabie hety režym i na što jany zdolnyja. Kali ŭžo kamanda prakuratury vysadziłasia ŭ škole dziaciej, to heta nie prosta tak. Tamu my ŭjaŭlajem, što kali b my ŭdvaich ź Vieranikaj apynulisia ŭ hetaj situacyi, to heta była b katastrofa dla našych dziaciej, dla nas i toj spravy, jakuju my robim.
