Bolš za 3000 čałaviek sabralisia na sustreču z kandydatam u prezidenty Śviatłanaj Cichanoŭskaj u Barysavie, pieradajuć ź miesca padziej karespandenty «Našaj Nivy».
Zdajecca, heta samy masavy palityčny mitynh u historyi horada.
Videastrym:
U sustrečy barysaŭcaŭ z adzinym kandydatam u prezidenty ad apazicyi, Alaksandram Milinkievičam, udzielničała kala 500 čałaviek.
Siłaviki zatrymali pa darozie na sustreču aŭtamabil sa Śviatłanaj Cichanoŭskaj i pratrymali jaho 20 chvilin na darozie. Akramia taho, pravaabaroncy paviedamlajuć pra zatrymańnie prynamsi šaści čałaviek na padychodach da placoŭki mitynhu. Tym nie mienš, ludzi ciarpliva čakali.
Cichanoŭskaja ŭrešcie pierasieła na inšy aŭtamabil i ŭsio ž dajechała da Barysava. Z mašyny da placoŭki jana prajšła ŭ atačeńni čatyroch mužčyn u majkach «Kraina dla žyćcia». Ludzi sustreli jaje burnymi vopleskami i skandavańniem «Śvieta! Śvieta!». Jaje pramova supravadžałasia šmatlikimi apładysmientami. Cichanoŭskaja zaklikała ni ŭ jakim razie nie hałasavać daterminova i abaviazkova «abaraniać svoj hołas».
