Biełaruski kasmanaŭt moža ŭ chutkim časie adpravicca ŭ padarožža vakoł Ziamli, piša BiełTA.

«Na maju dumku, abaviazkova treba pašyrać prysutnaść krainy ŭ kosmasie. Moža zdacca vielmi ambicyjnym płan padrychtoŭki i palotu ŭ kosmas pieršaha kasmanaŭta suvierennaj Biełarusi. Adnak pieršyja kroki ŭ hetym pytańni ŭžo robiacca», — raspavioŭ siońnia kiraŭnik Akademii navuk Uładzimir Husakoŭ.

Husakoŭ i hiendyrektar «Raskosmasa» Dźmitryj Rahozin u studzieni dasiahnuli damoŭlenaści ab naviedvańni biełaruskimi navukoŭcami Centra padrychtoŭki kasmanaŭtaŭ imia Haharyna (CPK), dzie tyja zmohuć aznajomicca ź jaho dziejnaściu. U śpisie supracoŭnikaŭ navukoŭcy Instytuta radyjebijałohii, Bataničnaha sadu, NPC pa bijaresursach, Instytuta fizijałohii. Ich biełaruski bok płanuje kamandziravać u centr.

Na dumku Husakova, hetyja pradstaŭniki NAN paśla mohuć razhladacca jak patencyjnyja biełaruskija kandydaty dla prachodžańnia padrychtoŭki ŭ CPK u jakaści ŭdzielnikaŭ kaśmičnych palotaŭ. Jany buduć abśledavany pa miedycynskich, fizičnych i inšych pakazčykach u jakaści kasmanaŭtaŭ-daśledčykaŭ.

Uradžency Biełarusi ŭžo byvali ŭ kosmasie. Kasmanaŭty Piotr Klimuk i Uładzimir Kavalonak ździajśniali svaje paloty ŭ savieckija časy, a Aleh Navicki, jaki naradziŭsia ŭ Červieni, staŭ lotčykam-kasmanaŭtam Rasii.

Клас
Панылы сорам
Ха-ха
Ого
Сумна
Абуральна