Alaksandr Łukašenka pryznačyŭ siońnia Dźmitryja Ravuckaha namieśnikam staršyni Kamiteta dziaržaŭnaj biaśpieki, piša BIEŁTA.
Fota BiełTA
Da ciapierašniaha momantu Dźmitryj Ravucki zajmaŭ pasadu načalnika ŭpraŭleńnia KDB pa Minsku i Minskaj vobłaści. Jaho miesca zojmie načalnik apieratyŭna-pošukavaha ŭpraŭleńnia KDB Uładzimir Kozyr.
Alaksandr Łukašenka adznačyŭ, što heta surjoznyja pryznačeńni, i pacikaviŭsia, nakolki byli staranna vyvučany i padabrany kandydatury. Kiraŭnika dziaržavy zapeŭnili, što abodva — dastojnyja aficery, jakija prajšli roznyja prafiesijnyja etapy, dobra siabie zarekamiendavali, śpiecyjalna rychtavalisia i znachodzilisia ŭ reziervie dla vyłučeńnia na vyšejšyja pasady.
