Palityčny ahladalnik Radyjo Svaboda Juryj Drakachrust sprahnazavaŭ vyniki vybaraŭ 9 žniŭnia. Pra heta jon paviedamlaje ŭ intervju svajho radyjo. Siońnia sp. Juryj śviatkuje dzień narodzinaŭ.
«Na vybarach Łukašenka atrymaŭ, pavodle aficyjnych dadzienych, kala 80% z aficyjnaj jaŭkaj 85%. Druhoje miesca — u Kanapackaj, treciaje — u Cichanoŭskaj.
Płošča, jakaja akazałasia mienšaj, čym u 2010 hodzie, razahnanaja, ale biez kryminalnych spravaŭ suprać udzielnikaŭ. Zabitych padčas razhonu niama.
Babaryka i Cichanoŭski atrymlivajuć minimalnyja terminy pa kryminalnych artykułach.
Inšych, pryciahnutych da kryminalnych spravaŭ, albo vyzvalajuć, albo dajuć umoŭnyja terminy.
Zachad asudžaje parušeńnie pravoŭ čałavieka i niesvabodnyja vybary, adnak sankcyjaŭ nie ŭvodzić.
Łukašenka nie padpisvaje intehracyjnyja «darožnyja mapy» z Rasijaj.
Heta — prahnoz pavodle trendu, z ulikam jak acenki pratestavaha patencyjału, hetak i majho razumieńnia płanaŭ ułady. U mai, mahčyma, adkaz na hetaje pytańnie byŭ by inšym. Mahčyma, 8 žniŭnia jon budzie inšym».