U Hrodnie prajšli administracyjnyja sudy nad fihurantami «spravy Cichanoŭskaha», a u Lidzie — nad udzielnikami aŭtaprabiehu salidarnaści. Usich asudzili, paviedamlaje «Viasna».
Try haradziency — Uładzimir Navumik, Jaŭhien Raźničenka i Uładzimir Kniha — źjaŭlajucca fihurantami kryminalnaj «spravy Cichanoŭskaha» i ciapier znachodziacca u SIZA-1 u Minsku. Ale akramia hetaha, za incydent ź Cichanoŭskim, što adbyŭsia 29 maja, na ŭsich troch skłali i administracyjnyja pratakoły. Ich razhlad i prajšoŭ siońnia, 30 červienia, u Haradzienskim abłasnym sudzie. Usie troje ŭdzielničali ŭ pasiadžeńni z dapamohaj videasuviazi.
Sudździa Łarysa Barel vyniesła rašeńnie pakarać Uładzimira Navumika aryštam — 4 sutak pavodle artykuła 17.1 i 6 sutak pavodle artykułu 23.4 KaAP. Ahułam — 10 sutak aryštu.
Paśla hetaha Łarysa Barel raspačała razhlad administracyjnnaj spravy pa art. 17.1 KaAP u dačynieńni da Jaŭhiena Raźničenki. Łarysa Barel vyniesła rašeńnie pakarać Raźničenku na 7 sutak.
Sudździa Rusłan Huryn razhledzieŭ spravu Uładzimira Knihi (art. 17.1 KaAP). Rašeńnie suda — pakarać Uładzimira Knihu aryštam na 7 sutak.
U Lidskim rajonnym sudzie prajšli pracesy nad zatrymanymi 29 červienia aktyvistami, jakija 28-ha červienia ŭčynili aŭtaprabieh u znak salidarnaści z palitźniavolenymi, z vykarystańniem bieł-čyrvona-biełych ściahoŭ. Za heta rašeńniem suda Alaksandr Zachvatovič, Pavał Šydłoŭski, Edhar Imbras i Siarhiej Pantus byli pakaranyja štrafami ŭ pamiery 25 bazavych vieličyń.