Pra padvyšany ŭzrovień radyjacyi paviedamiła Arhanizacyja Damovy ab usioabdymnaj zabaronie jadziernych vyprabavańniaŭ. Tam adznačyli, što niebiaśpieki dla ludziej niama, piša DW.
U niekatorych častkach Šviecyi, Finlandyi, Narviehii i Rasii zafiksavany pavyšany ŭzrovień radyjacyi. Pra heta ŭ niadzielu, 28 červienia, paviedamiła ahienctva AFP sa spasyłkaj na Arhanizacyju Damovy ab usioabdymnaj zabaronie jadziernych vyprabavańniaŭ (CTBTO).
Na karcie, raspaŭsiudžanaj hetaj arhanizacyjaj, radyjaaktyŭnaja plama achoplivaje paŭdniovuju tracinu Šviecyi, paŭdniovuju pałovu Finlandyi, Estoniju, Łatviju, a taksama paŭnočny zachad Rasii, u tym liku Sankt-Pieciarburh. U CTBTO adznačyli, što taki ŭzrovień radyjacyi nie pahražaje čałavieku.
Vykanaŭčy sakratar CTBTO adznačyŭ, što z vysokaj dolaj imaviernaści zarehistravanyja vykidy radyjacyi majuć cyvilnaje pachodžańnie.
Pavodle Nacyjanalnaha instytuta zdaroŭja i navakolnaha asiarodździa Niderłandaŭ, krynica vykidaŭ radyjacyi znachodzicca na zachadzie Rasii. U svaju čarhu rasijski kancern Rasenierhaatam abvierh imaviernaść zdareńnia na AES.
