Dniom 24 červienia ŭ Minsku narad Pieršamajskaha addzieła Departamienta achovy MUS zatrymaŭ 26-hadovaha žychara Archanhielskaj vobłaści pa padazreńni ŭ chulihanstvie. Małady čałaviek paškodziŭ čužy aŭtamabil, pryčyniŭšy škodu jaho ŭładalniku ŭ pamiery zvyš 75 tysiač rubloŭ. Zaviali kryminalnuju spravu za chulihanstva.
Pierad debošam chłopiec vypivaŭ i hulaŭ pa praśpiekcie Niezaležnaści. Na parkoŭcy handlovaha centra jon źviarnuŭ uvahu na Lamborghini Aventador i pamačyŭsia na jaho. Zatym u rukach hościa stalicy apynuŭsia śmieccievy bak, jakim jon raźbiŭ škło. Vynikam chulihanstva stała vykuranaja ŭ sałonie cyhareta i niedakurak, patušany ab siadzieńnie.
Milicejski narad zatrymaŭ padazravanaha na miescy złačynstva. Jon nie admaŭlaŭ svajoj datyčnaści da pahromu i rastłumačyŭ, što takim čynam vykazaŭ pratest sacyjalnaj niaroŭnaści.
Ciapier rasijanin znachodzicca ŭ izalatary.
