Livień u Mahilovie 21 červienia zatapiŭ vulicy horada — vadoj, a dzie-nidzie i brudam. Pavodle źviestak MNS, za niekalki hadzin u abłasnym centry vypała bolš za pałovu miesiačnaj normy apadkaŭ. Heta i vyklikała mocnyja zatapleńni — liŭnioŭki nie spravilisia z takim patokam vady, piša Tut.by.
Videa Płatona Chrystovoha.
Mahiloŭcy dzielacca ŭ sacsietkach fota i videa nastupstvaŭ liŭnia, jaki prajšoŭ ranicaj, kala 05.30, i doŭžyŭsia niekalki hadzin. Pavodle źviestak haradžan, samy vysoki ŭzrovień vady na vulicach naziraŭsia ŭ Kastryčnickim rajonie Mahilova: na vulicach Simanava ŭ rajonie palikliniki №8, Mikałaja Astroŭskaha, Dzimitrava, akademika Paŭłava, Słaŭharadskoj šašy, bulvary Niepakornych.
Haražy na vulicy Dzimitrava. Fota: Andrej Jakaŭleŭ, vk.com/ilovemogilev
Vulica Akademika Paŭłava. Fota: Vova Karabkoŭ, vk.com/ilovemogilev
DRBU-128, Słaŭharodskaja šaša. Vada miescami vyšej kalena. Fota: Darja Astapienka, vk.com/ilovemogilev