Kiraŭnik MZS Rasii Siarhiej Łaŭroŭ adpraŭlajecca ŭ Minsk z adnadzionnym vizitam. Jak paviedamlaje tass.ru, zapłanavanyja pieramovy z Uładzimiram Makiejem i Alaksandram Łukašenkam.
U centry ŭvahi sustreč — padrychtoŭka vizitu Łukašenki ŭ Maskvu na parad Pieramohi 24 červienia, dvuchbakovyja pytańni, baraćba z pandemijaj, a taksama tematyka kantrolu nad uzbrajeńniami i stasunki ź ES i NATO.
Pavodle rasijskich krynic, padčas vizitu płanujecca padpisańnie pahadnieńnia ab uzajemnym pryznańni viz. Prajekt dakumienta praduhledžvaje, što zamiežnyja hramadzianie, jakija majuć biełaruskuju vizu, zmohuć bieśpieraškodna ŭjazdžać u RF, a zamiežniki z rasijskaj vizaj zmohuć naviedvać Biełaruś.
Biełaruski MZS nie paviedamlaje pra mahčymaść takoha intehracyjnaha kroku.