Pra heta Alaksandr Łukašenka zajaviŭ na sustrečy z aktyvam Hrodzienščyny, piša sb.by.
Pavodle jaho słoŭ, honar rehijonu — sielskaja haspadarka:
— Vobłaść tryvała zajmaje pieršaje miesca ŭ respublicy pa tempach vytvorčaści sielhaspradukcyi, uradžajnaści zbožžavych. Dy i ŭ pramysłovaści, dzie, navat niahledziačy na składanuju situacyju z karanavirusam, praktyčna ŭdałosia zachavać abjomy na ŭzroŭni minułaha hoda. Ale tak było nie zaŭsiody. Byŭ čas, kali paśla razvału Sajuza pałova vašych ludziej jeździła z baułami ŭ Polšču, my heta pamiatajem, a inšaja — atrymlivała žabracki zarobak na paŭrazvalenych pradpryjemstvach. Na ščaście, my tady pryniali nieabchodnyja miery. I siońnia možam razam hanarycca dasiahnieńniami našaj Hrodzienščyny.
Kiraŭnik dziaržavy pryvioŭ takija ličby: za 25 hadoŭ abjom pramysłovaj vytvorčaści vyras bolš čym u 4 razy. Ekspart tavaraŭ — amal u 5 razoŭ.
— Tolki za 2 apošnija piacihodki siaredni zarobak pa vobłaści pavialičyŭsia amal udvaja. Pry hetym, jak mnie dakładvajuć, na 1 červienia nie dapuščana praterminavanaj zapazyčanaści pa jaje vypłacie.
Pavodle źviestak Biełstata, siaredni zarobak u Hrodzienskaj vobłaści za krasavik «brudnymi» skłaŭ 1020 rubloŭ (heta było 374 jeŭra).
U Polščy ŭ pieršym kvartale składaŭ 5331 złoty (na siońnia heta kala 1200 jeŭra) da vyliku padatkaŭ, a minimalny 2600 złotych (585 jeŭra).
