U Makanavickim psichanieŭrałahičnym domie-internacie dla sastarełych i invalidaŭ, što ŭ Rečyckim rajonie, uspyška COVID-19.
Jak raspavioŭ sajtu «Praŭda Homiel» kiraŭnik doma-internata Michaił Astapienka, dyjahnaz paćvierdziŭsia ŭ 33 padapiečnych, siarod rabotnikaŭ — u čaćviarych.
— 326 našych padapiečnych — ludzi ź invalidnaściu, ludzi stałaha vieku, jakija majuć patrebu ŭ admysłovym dohladzie, z chraničnymi zachvorvańniami — rastłumačyŭ Astapienka. — Tamu było arhanizavana štodzionnaje dziažurstva doktara doma-internata sumiesna z doktaram centralnaj rajonnaj balnicy navat u vychadnyja. Pry nieabchodnaści pacyjentaŭ špitalizujuć.
U internacie zabaronienyja naviedvańni, supracoŭniki pieraviedzieny na vachtavy mietad pracy — žyvuć i siłkujucca niepasredna va ŭstanovie na praciahu 14 dzion. Pierš čym prystupić da pracy, uvieś piersanał prachodzić testavańnie na najaŭnaść karanavirusa. Padapiečnym i rabotnikam trojčy ŭ dzień mierajuć tempieraturu. Raspracavanyja karty maršrutyzacyi dla kožnaha supracoŭnika, arhanizavanyja sanitarnyja prapusknyja punkty, jość karancinnyja zony. Srodkami śpiecabarony Makanavicki dom-internat zabiaśpiečany, adznačyŭ dyrektar.
