Cieła 16-hadovaj dziaŭčyny znajšli ŭ Navapołacku na bierazie Dźviny, paviedamiła BIEŁTA aficyjny pradstaŭnik USK pa Viciebskaj vobłaści Aksana Łaźko.
Uviečary 11 červienia ŭ milicyju patelefanavała vychavalnica adnoj z ustanoŭ adukacyi Navapołacka i raspaviała, što vučanica syšła ź internata, jaje nie mohuć znajści. Uviečary 12 červienia na bierazie Dźviny ŭ miežach horada pravaachoŭniki znajšli cieła dziaŭčyny.
«Śledča-apieratyŭnaja hrupa ahledzieła miesca zdareńnia, kanfiskavała nieabchodnyja pradmiety i abjekty. Dla ŭstanaŭleńnia dakładnaj pryčyny śmierci pryznačana sudova-miedycynskaja ekśpiertyza. Adpracoŭvajucca padazravanyja asoby, jakija mohuć być datyčnyja da ździajśnieńnia złačynstva», — adznačyła Aksana Łaźko.
Zaviedziena kryminalnaja sprava pa č.1 art.139 KK (zabojstva).
