20 bazavych vieličyń (540 rubloŭ) štrafu atrymaŭ praciŭnik akumulatarnaha zavoda Vital Kazak za niepadparadkavańnie supracoŭnikam milicyi, paviedamiŭ TUT.BY pravaabaronca Raman Kiślak.
8—10 maja ŭ Breście pierad čarhovaj niadzielnaj sustrečaj praciŭnikaŭ akumulatarnaha zavoda na płoščy Lenina zatrymali vosiem aktyvistaŭ i dvuch pravaabaroncaŭ. Siarod zatrymanych byŭ i Vital Kazak. Jak paznačana ŭ pratakole, pry zatrymańni jon akazaŭ supraciŭleńnie supracoŭnikam milicyi.
— 5 červienia jaho pryznali vinavatym i pryznačyli 20 bazavych vieličyń štrafu, — paviedamiŭ Raman Kiślak.
U minułym miesiacy Vitala Kazaka sudzili dvojčy. 12 maja jaho aštrafavali na 30 bazavych vieličyń (810 rubloŭ) za ŭdzieł u akcyi ŭ Breście suprać zavoda. Paśla suda i abviaščeńnia pastanovy jaho znoŭ zatrymali i 14 maja znoŭ aštrafavali na 80 bazavych vieličyń (2160 rubloŭ) za ŭdzieł u akcyi praciŭnikaŭ zavoda 12 krasavika, a taksama za sustreču 2 maja ŭ Breście z homielskim błohieram Siarhiejem Cichanoŭskim.
