MTI/Miniszterelnöki Sajtóiroda/Fischer Zoltán
Pra heta kiraŭnik biełaruskaj dziaržavy zajaviŭ siońnia na sustrečy z premjeram Vienhryi Viktaram Orbanam, paviedamlaje pres-słužba.
«Biełaruś i Vienhryja znoŭ paćviardžajuć, što nie prymajuć sprobaŭ akazańnia cisku zvonku pa roznych pryčynach. Našy krainy sutyknulisia z absalutna biesprecedentnymi i nachabnymi sprobami procidziejańnia realizacyi suvierennaha prava na raźvićcio mirnych jadziernych prahram (u Vienhryi pry ŭdziele rasijskaha boku realizujecca prajekt pa ŭźviadzieńni dvuch novych enierhabłokaŭ AES «Pakš»)», — zajaviŭ Alaksandr Łukašenka.
Pavodle jaho słoŭ, krainy damovilisia, što razam buduć davać na ich adekvatny, ale žorstki adkaz. «Biełaruski bok nie dapuścić, kab chtości zvonku sprabavaŭ upłyvać na našu enierhietyčnuju palityku.
Razam z tym my harantujem, što hetaja palityka zaŭsiody budzie aryjentavana na maksimalnuju biaśpieku, adkrytaść i prazrystaść, — padkreśliŭ kiraŭnik dziaržavy. — Bolš za toje, my budziem rabić usio, kab nie tolki palityka, a novaja AES u Biełarusi pracavała nie tolki na Biełaruś, ale i na ŭsie zacikaŭlenyja krainy».
Joje zajaviŭ, što hatovy pryniać ekśpiertaŭ MAHATE, ES, inšych mižnarodnych struktur, kab jany pierakanalisia ŭ tym, što Biełaruskaja atamnaja elektrastancyja nie pahražaje ni samim biełarusam, ni susiedziam.
«My paćvierdzili zacikaŭlenaść u abmienie vopytam u jadzierna-enierhietyčnaj śfiery, ekspłuatacyi AES, biaśpiečnaha abychodžańnia z radyjeaktyŭnymi adchodami i adpracavanym jadziernym palivam», — skazaŭ Alaksandr Łukašenka.
