Ministr unutranych spraŭ Ukrainy Arsien Avakaŭ zajaviŭ, što śledstva maje dokazy, kab davieści ŭ sudzie datyčnaść usich troch padazravanych da zabojstva ŭ Kijevie ŭ lipieni 2016 hoda biełaruskaha žurnalista Paŭła Šaramieta, piša «Radyjo Svaboda».
«Śledstva miarkuje, što maje vyčarpalny nabor arhumientaŭ. Padazravanyja admovilisia ad dačy pakazańniaŭ, ad udziełu ŭ śledčych ekśpierymientach i ad pravierki na palihrafie, — zajaviŭ Arsien Avakaŭ 5 červienia ŭ parłamiencie Ukrainy. — Śledstva pieradało ŭsie materyjały ŭ sud, i ŭ spabornym pracesie sud musić ustanavić praŭdu. Kožny padazravany maje prava na abaronu, i sud pavinien vynieści rašeńnie, uličyŭšy ŭsiu sistemu arhumientaŭ abvinavačańnia i abarony».
Pavodle jaho, u spravie naličvajecca bolš za 200 tamoŭ materyjałaŭ, 38 ź jakich źmiaščajuć dokazy datyčnaści da złačynstva Andreja Antonienki, Julii Kuźmienki i Jany Duhar.
Usie dakumienty pieradali na aznajamleńnie advakatam i padazravanym.
