Razam z Bukmiekierskaj kantoraj Leon my praciahvajem aśviatlać čempijanat Biełarusi pa futbole.
Bjuć u zvany ŭ «Smalavičach» i «Haradziei»: u kamandach składana ź finansami. Eks-cukrovyja nibyta zmahli damovicca z novym kiraŭnictvam cukrovaha zavoda ab adnaŭleńni finansavańnia, ale ŭsio zarubiŭ Biełdziaržcharčpram. Źjaŭlajucca niadobryja mesedžy pra toje, što kamanda prosta zdymiecca z druhoha kruha.
U «Smalavičaŭ» usio jašče horš. Paśla čarhovaj parazy hałoŭny trenier «čyrvona-sinich» Alaksandr Brazievič raspavioŭ, što situacyja katastrafičnaja i što, kali ničoha nie źmienicca, kłub prosta źniknie.
Fota: FK «Smalavičy».
Niepryjemna, kali štohod naš futboł hublaje kamandy, ale sioletniaja situacyja jaŭna demanstruje: kłuby, jakija trymajucca tolki na inicyjatyvie adnaho čałavieka, prosta nie majuć pierśpiektyŭ. Tym bolš u takija niaprostyja časy, jak siońnia.
Kali viartacca da matčaŭ minułaha tura, asabliva adznačym čarhovy kambek «Słavii», jakaja ŭ Babrujsku zmahła adhulacca ź liku 0:2 i pieramahčy. Pierad hledačami ŭ Maładziečnie byŭ razyhrany ceły tryler ź pienalci, vydaleńniem i vyrašalnym hołam na 94-j chvilinie, jaki dazvoliŭ nie prajhrać «Viciebsku». U bresckim derbi zvyšupeŭniena vyjhrała «Dynama», a ich minskija adnakłubniki sastupili «Šachcioru» i praciahvajuć hibieć u nizie tablicy.
Voś jak skončylisia matčy 11 tura:
- «Tarpieda-BiełAZ» — «Smalavičy» 2:1 (34, Habryel Ramas; 68, Žeŭnieraŭ (ah) — 15, Makaraŭ)
- «Haradzieja» — «Nioman» 0:2 (67, Kadzimian (p); 76, Jabłonski)
- «Biełšyna» — «Słavija» 2:3 (15, Bašyłaŭ; 24, Sałanovič — 33, Niedaškoŭski; 78, Koviel (ah); 90, Narch)
- «Dynama-Minsk» — «Šachcior» 0:1 (50, Lisakovič)
- «Enierhietyk-BDU» — «Viciebsk» 3:3 (33, Bakič; 40, Umaraŭ; 44, Tve — 9, Santas; 42, Nikałajesku (p); 90+4, Žulia Sezar)
- BATE — «Isłač» 1:2 (39, Milič (p))
- «Ruch» — «Dynama-Brest» 1:4 (14, Działo — 30, Kiślak; 72 (p), 81 Savicki; 86, Łapcieŭ)
- «Minsk» — «Słuck» 1:0 (6, Chvaščynski)
TURNIRNAJA TABLICA
Što cikavaha nas čakaje ŭ matčach, što buduć adbyvacca ź piatnicy pa niadzielu?
«Smalavičy» — «Haradzieja»
- 05.06, 19:00. Barysaŭ, Haradski stadyjon.
- Kaeficyjenty: «Smalavičy» (pieramoha) — 2.39; ničyja — 3.21; «Haradzieja» (pieramoha) — 3.45.
Matč dźviuch kamand-niebarak, jakija ŭ chutkim časie mohuć i ŭvohule źniknuć z futbolnaj karty Biełarusi. Jość šaniec u samym kancy hučna lapnuć dźviaryma.
Pieramoha moža palepšyć hulcam «Haradziei» nie tolki nastroj, ale i turnirnaje stanovišča, bo ščylnaść u nižniaj pałovie vielmi vysokaja. Ale «Smalavičam» nu nijak nielha prajhravać, bo adstavańnie ad 14-ha miesca vyraście bolš čym na 10 punktaŭ.
Prahnoz «NN»: totał, mienšy čym 2.5.
«Słuck» — «Tarpieda-BiełAZ»
- 06.06, 14:00. Słuck, Haradski stadyjon.
- Kaeficyjenty: «Słuck» (pieramoha) — 3.17; ničyja — 3.37; «Tarpieda» (pieramoha) — 2.45.
U «Słucka» taksama niezajzdrosnaje stanovišča, ale jasnych sihnałaŭ SOS pakul nie pastupała. Treniery i hulcy ŭ intervju zachoŭvajuć aptymizm, chacia kamanda ŭ apošnich čatyroch turach zmahła zdabyć tolki adzin bał.
Fota: FK «Minsk».
U «Tarpieda» ŭsio dobra: pramiežkavy treci radok i tolki adzin projhryš u apošnich vaśmi turach. Na baku žodzincaŭ i stanoŭčaja statystyka ŭ matčach sa «Słuckam» u apošnija siezony.
Prahnoz «NN»: pieramoha «Tarpieda».
«Isłač» — «Ruch»
- 06.06, 16:00. Minsk, stadyjon «Traktar».
- Kaeficyjenty: «Isłač» (pieramoha) — 3.49; ničyja — 3.34; «Ruch» (pieramoha) — 2.30.
«Vaŭkam» nie pazajzdrościš: da chvarob i traŭm klučavych hulcoŭ i kanfliktu ź Jansane (hviniejec, darečy, stabilna hulaje) dadalisia i dva vydaleńni ŭ matčy z BATE. Tamu ŭ Vitala Žukoŭskaha budzie vialiki hałaŭny bol, jakim składam hulać suprać «Ruchu».
«Ruch» zdoleŭ zabić pieršym u bresckim derbi, ale ŭ vyniku atrymaŭ najbujniejšuju parazu ŭ biahučym čempijanacie. Ciapier treba reabilitavacca i karystacca prablemami «Isłačy».
Prahnoz «NN»: totał, mienšy čym 2.5.
«Słavija» — «Nioman»
- 06.06, 18:00. Mazyr, stadyjon «Junactva».
- Kaeficyjenty: «Słavija» (pieramoha) — 2.60; ničyja — 3.30; «Nioman» (pieramoha) — 3.01.
Pry kancy maja kiraŭnictva «Niomana» dało Iharu Kavaleviču dva matčy na vypraŭleńnie stanovišča. I haradziency padtrymali svajho treniera, vydaŭšy sieryju ź dźviuch pieramoh. Apošniaja atrymałasia asabliva składanaj, bo ŭ druhim tajmie matča ŭ Haradziei hości zastalisia ŭ mienšaści.
Ciapier «Słavija» i «Nioman» susiedničajuć u siaredzinie tablicy — u mazyrčukoŭ na adzin punkt bolš. Pradkazać favaryta nierealna, mahčyma tolki, što na ruku «Słavii» zhulaje fakt dalokaha vyjezdu supiernika.
Prahnoz «NN»: ničyja.
«Dynama-Brest» — «Minsk»
- 06.06, 20:00. DASK «Brescki».
- Kaeficyjenty: «Dynama» (pieramoha) — 1.43; ničyja — 4.90; «Minsk» (pieramoha) — 8.55.
Nahadajem, što «Minsk» prapuściŭ dva tury praz karanavirus abaroncy Jaŭhiena Čahaŭca. Viartańnie vydałasia paśpiachovym: padnačalenyja Andreja Razina minimalna abhulali «Słuck».
«Dynama» vyjhrała ŭ «Ruchu» i pierarvała sieryju z troch parazaŭ. Heta dazvoliła bieraściejcam padniacca na šosty radok. Kab viartać zhublenaje, takoha supiernika, jak «Minsk», treba pieramahać.
Prahnoz «NN»: pieramoha «Dynama».
«Viciebsk» — BATE
- 07.06, 16:00. CSK FK «Viciebsk».
- Kaeficyjenty: «Viciebsk» (pieramoha) — 7.05; ničyja — 4.10; BATE (pieramoha) — 1.58.
Kamanda z poŭnačy Biełarusi nie moža vyjhrać na praciahu šaści turaŭ. Dźvie parazy i čatyry ničyje zapar — takaja niezajzdrosnaja sieryja. Ale «Viciebsk» padzialiŭ bały nie aby z kim, a z «Šachcioram», minskim «Dynama» i dziorzkim «Enierhietykam». Piataja ničyja zapar z BATE jaŭna była b uspryniata jak stanoŭčy vynik.
U BATE kudy bolš pryjemnaja sieryja: 10 matčaŭ biez parazaŭ z ulikam kubkavych. I zbaŭlać abaroty barysaŭcy nie źbirajucca.
Prahnoz «NN»: pieramoha BATE.
«Biełšyna» — «Dynama-Minsk»
- 07.06, 18:00. CSK FK «Viciebsk».
- Kaeficyjenty: «Biełšyna» (pieramoha) — 7.55; ničyja — 4.45; «Dynama-Minsk» (pieramoha) — 1.51.
«Biełšynie» vielmi nie šancuje. Znoŭ zhublenyja punkty ŭ samym kancy matča i znoŭ dvojka abaranak.
Hulcy «Słavii» śviatkujuć treci hoł u bramu «Biełšyny». Fota: FK «Słavija».
Prablemy minskaha «Dynama» składana rastłumačyć adsutnaściu žadańnia, jany kudy hłybiejšyja, i vyrašyć ich u Leanida Kučuka nie atrymlivajecca. Mahčyma, pieramoha nad aŭtsajdaram dapamoža? Ale jaje jašče zdabyć treba.
Prahnoz «NN»: totał, bolšy za 2.5.
«Šachcior» — «Enierhietyk-BDU»
- 07.06, 20:00. Salihorsk, stadyjon «Budaŭnik».
- Kaeficyjenty: «Šachcior» (pieramoha) — 1.54; ničyja — 4.60; «Enierhietyk» (pieramoha) — 6.50.
U «Šachciora» ŭsio naładziłasia: 16 z 18 mahčymych bałaŭ u apošnich šaści turach i ŭsiaho try (try, Karł!) prapuščanyja miačy ŭ 11 turach.
Lisakovič znoŭ zabiŭ. Fota: FK «Šachcior».
Pieramoha nad «Enierhietykam» dazvolić abyści minčukoŭ u tablicy i padniacca jašče vyšej. Ale sastupać «studenty» nie źbirajucca i hatovyja paŭtaryć letašni podźvih i znoŭ vyjhrać u Salihorsku.
Adnaznačny hvozd tura, jaki musić być vielmi cikavym.
Prahnoz «NN»: pieramoha «Šachciora».
U suviazi z raspaŭsiudam karanavirusa my nie raim vam naviedvać ludnyja mierapryjemstvy, u tym liku futbolnyja matčy. Kali ŭsio ž vyrašycie pajści na stadyjon, prytrymlivajciesia mieraŭ zaściarohi.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!
