Jak stała viadoma Hrodna.life, supracoŭnika milicyi, jaki paciarpieŭ padčas zboru podpisaŭ na Savieckaj płoščy 29 maja, dastavili ŭ abłasnuju balnicu chutkaj dapamohi, ale nie špitalizavali.
U milicyjaniera ŭdar piaredniaj brušnoj ścienki, jaho nie špitalizavali. Taksama viadoma, što pa dapamohu da miedykaŭ źviarnuŭsia jašče adzin supracoŭnik milicyi. Jon pryjšoŭ u cyvilnym, ale nijakich cialesnych paškodžańniaŭ u jaho vyjaŭlena nie było.
Nahadajem, błohiera Siarhieja Cichanoŭskaha zatrymali ŭviečary 29 maja ŭ Hrodnie na pikiecie pa zbory podpisaŭ za vyłučeńnie ŭ kandydaty ŭ prezidenty Śviatłany Cichanoŭskaj. Razam ź im zatrymali jašče 9 jaho prychilnikaŭ. Zatrymańnie adbyłosia paśla pravakacyi z padzieńniem milicyjaniera.
0
0
0
0
0
0
