U efiry prahramy «Panarama» BT nakinułasia z krytykaj na rasijskich prapahandystaŭ z «Pieršaha kanała». Byŭ pakazany 18-chvilinny siužet, u jakim supracoŭniki biełaruskaha telebačańnia ŭ rezkaj formie vykryvali svaich kaleh z Rasii.
«Heta «dno», tavaryšy prapahandysty z «Pieršaha kanała». I my dakažam heta našym rasśledavańniem. A jašče na pryncypach uzajemnaści raskažam pra toje, što ŭtojvaje «Pieršy kanał» ad svaich hledačoŭ pa situacyi ŭ samoj Rasii. Budzie spraviadliva. I pasprabujcie abvierhnuć. My ŭ adroźnieńnie ad vas chłusić, pierakručvać i zamoŭčvać nie staniem», — zajavili ŭ efiry BT.
Viadučyja BT nahadali telehledačam pra ciažkuju situacyju z karanavirusam u Rasii: prablemy z teściravańniem, adsutnaść miedycynskich masak i hetak dalej.
Nu a ŭ kancy siužeta było pakazana apytańnie BT žycharoŭ Maskvy, u jakim jany vykazalisia suprać rasijskaha padychodu baraćby z karanavirusam.