Wikimedia Commons
Staršynia Dziaržsavieta KNDR Kim Čen Yn zdarovy. Pra heta zajaviŭ u niadzielu amierykanskaj telekampanii CNN śpiecyjalny daradca prezidenta Respubliki Kareja pa dypłamatyi i pytańniach nacyjanalnaj biaśpieki Mun Čžon In, piša TASS.
«Pazicyja našaha ŭrada ćviordaja», — skazaŭ jon. «Kim Čen Yn žyvy i zdarovy. Jon znachodzicca ŭ rajonie Vonsana z 13 krasavika. Nijakich padazronych pieramiaščeńniaŭ nie było zaŭvažana», — dadaŭ daradca prezidenta Respubliki Kareja pa dypłamatyi i pytańniach nacyjanalnaj biaśpieki.
Centralnaja hazieta KNDR «Nadon sinmun» paviedamiła raniej, što Kim Čen Yn praciahvaje pracavać z dakumientami, jon nakiravaŭ pasłańnie z udziačnaściu budaŭnikam turystyčnaj zony na ŭschodnim uźbiarežžy Vonsan-Kalmi.
Raniej paviedamlałasia, što Kim Čen Yn surjozna zachvareŭ, trapiŭ u komu praź niaŭdałuju apieracyju, a nibyta ŭ Pchieńjanie šukajuć pierajemnika. Što praŭda, lidar KNDR nie źjaŭlaŭsia na publicy z 11 krasavika, prapuściŭšy 15 krasavika ŭračystuju cyrymoniju ŭ Kymsusanskim pałacy Sonca z nahody 108-j hadaviny sa dnia naradžeńnia Kim Ir Siena (u biełaruskaj rečaisnaści heta jak uziać i admianić subotnik).
Ułady KNDR tradycyjna nie kamientujuć infarmacyju. Ale niekalki hadoŭ tamu Kim užo źnikaŭ na paru miesiacaŭ: tady jon paškodziŭ nahu.
