Telekanał Fox News śćviardžaje, što «nulavy pacyjent», ź jakoha pačałasia pandemija, pracavaŭ u łabaratoryi virusałohii va Uchani.
Pavodle «šmatlikich krynic» Fox News, nibyta daśviedčanych ab dziejańniach kitajskich uładaŭ na rańnich stadyjach pašyreńnia infiekcyi, novy virus maje naturalnaje pachodžańnie. Z-za parušeńnia praviłaŭ techniki biaśpieki im była infikavanaja praktykantka łabaratoryi virusałohii va Uchani, jakaja zatym zaraziła svajho maładoha čałavieka. Hety mužčyna, pavodle Fox News, prynios infiekcyju na adzin ź miascovych rynkaŭ, adkul paśla i pačałosia maštabnaje pašyreńnie novaha karanavirusa.
Telekanał adznačaje, što, pavodle jaho infarmacyi, dziejnaść nazvanaj łabaratoryi była nakiravana na toje, kab «prademanstravać roŭnaść Kitaja sa Złučanymi Štatami ci navat pieravahu nad imi ŭ vyjaŭleńni virusaŭ i baraćbie ź imi». Pry hetym krynicy Fox News śviedčać, što źjaŭleńnie virusa nie było vynikam raspracoŭki bijałahičnaj zbroi.
