rp.pl
Siońnia ŭ Varšavie adbyłasia pres-kanfierencyja premjer-ministra Matevuša Maravieckaha, ministra achovy zdaroŭja Łukaša Šumoŭskaha i ministra nacyjanalnaj adukacyi Daryjuša Pijantkoŭskaha. Jany zajavili pra pašyreńnie isnujučych abmiežavańniaŭ, a taksama pra ŭviadzieńnie novych, paviedamlaje tvn24.pl
1. Na adzin tydzień — da 19 krasavika — praciahvajucca abmiežavańni na pracu handlovych centraŭ, kinateatraŭ, teatraŭ, heta datyčycca i abmiežavańnia ludziej u kramach i cerkvach.
2. Na dva tydni — da 26 krasavika — praciahnuta zakryćcio škoł, prypynieńnie pavietranaha i mižnarodnaha čyhunačnaha ruchu.
3. Da 3 maja — miežy buduć zakrytyja i buduć dziejničać praviły, jakija byli da hetaha času.
4. Z nastupnaha čaćviarha — z 16 krasavika — źjavicca abaviazak zakryvać nos i rot u hramadskaj prastory.
5. Abmiežavańni na masavyja mierapryjemstvy dziejničajuć da nastupnaha paviedamleńnia.
6. Ekzamieny na skančeńnie škoły i vośmy kłas adkładajucca —iany adbuducca nie raniej, čym u druhoj pałovie červienia, a infarmacyja pra novyja daty budzie pradstaŭlena jak minimum na try tydni raniej.
7. Na nastupnyja dva tydni — da 26 krasavika — dapamoha pa dohladzie padaŭžajecca tym, kamu daviadziecca zastavacca doma z maleńkimi dziećmi.
Premjer-ministr i ministry pryniali rašeńnie pra abmiežavańni, «kab u nas nie była takaja situacyja, jak u Italii, Ispanii, Francyi, — što miedyki pavinny vyrašać, kaho lačyć, a kaho nie», — skazaŭ siońnia ministr Šumoŭski.
Z pačatku pandemii karanavirusa ŭ Polščy zafiksavany 3141 vypadak, 164 čałavieki pamierli.
