Jak pieradaje z zały suda karespandent Tribuna.com Andrej Masłoŭski, abaronca BATE Zachar Voŭkaŭ daŭ śviedčańni ŭ sudzie pa spravie ab damoŭnych matčach. Da futbalista śledstva nie maje nijakich pretenzijaŭ, bo Voŭkaŭ raniej źjaviŭsia z pavinnaj, raskajaŭsia ŭ zroblenym i supracoŭničaŭ pa spravie.
Fota «Presboła».
Hulec braŭ udzieł u dahavornym matčy, kali źjaŭlaŭsia hulcom «Naftana».
— Na bazie «Naftana» padyšoŭ Harbačoŭ i prapanavaŭ paŭdzielničać u dahavarnym matčy.
— Kali padyšoŭ?
— Kankretny dzień nie pamiataju. Moža, za dzień da matču abo ŭ dzień hulni. Harbačoŭ prapanavaŭ zrabić vynik matču «Naftan» — «Krumkačy». Ja sumieŭsia, nie viedaŭ, što adkazać. Ale skazaŭ: «Dobra». Dla mianie heta było ŭpieršyniu. Nie viedaŭ, što adkazać.
— Čamu nie admovilisia?
— Nie viedaju.
— Jak prachodziŭ matč?
— Nie pamiataju.
— Čamu?
— Daŭno było.
— Jakija miery pradprymali, kab akazać upłyŭ na vynik?
— Hulaŭ, jak zvyčajna.
— Jakija miery?
— Prosta hulaŭ.
— Nu vy ž damovilisia z Harbačovym.
— Hulaŭ, jak zvyčajna.
— Kolki atrymali?
— 1450 dalaraŭ.
— Za što hrošy?
— Za vynik.
— Za toje, što akazali ŭpłyŭ na vynik matču?
— Za ŭdzieł.
— Za ŭdzieł vam zarpłatu płaciać. Razumieli, što heta niezakonnaje ŭznaharodžańnie?
— Tak, — skazaŭ Vołkaŭ.
I na papiarednim śledstvie futbalist tak tłumačyŭ svaju rolu ŭ dahavarnym matčy:
«Padčas matču «Naftan» — «Krumkačy» ja hulaŭ, jak zvyčajna. Ja dla siabie vyrašyŭ, što nie budu metanakiravana zabivać hały ŭ svaje varoty i źbivać hulcoŭ supiernika ŭ svajoj štrafnoj. Ale taksama vyrašyŭ, što nie budu pieraškadžać Harbačovu zabiaśpiečvać patrebny vynik, nie budu mocna napružvacca ŭ matčy, ale naŭmysnych pamyłak dapuskać nie stanu. Tak ja siabie i pavodziŭ».
