Pałkoŭnik Uładzimir Makaraŭ zvolnieny z pasady načalnika upraŭleńnia infarmacyi hałoŭnaha ideałahičnaha ŭpraŭleńnia Ministerstva abarony. Jon ža vykonvaŭ funkcyi pres-sakratara biełaruskaha vojska.
Svaje paŭnamoctvy Makaraŭ skončyŭ 31 sakavika, jon paćvierdziŭ «Našaj Nivie» svaju adstaŭku.
«Ja pierajšoŭ na bolš vysokuju pasadu», — skazaŭ jon.
Pa infarmacyi «NN», Makaraŭ zastajecca ŭ vajennym viedamstvie — ale ŭsiaho tolki žurnalistam u časopisie «VPK. Biełaruś».
Pres-sakratarka ministra abarony Natalla Haŭrusik skazała «Našaj Nivie», što Makaraŭ vyzvaleny ad zajmanaj pasady ŭ suviazi z dasiahnieńniem hraničnaha ŭzrostu znachodžańnia na dziaržsłužbie.
Čytajcie: Hazieta Minabarony apublikavała artykuł pra toje, što ŭ Kurapatach rasstrelvali niemcy. Voś što adkazvaje Makaraŭ
Za čas svajoj raboty Makaraŭ zapomniŭsia mnohimi adyjoznymi vykazvańniami. Aproč inšaha, jon nazyvaŭ praciŭnikaŭ paradaŭ «idejnymi naščadkami Kube», a taksama admaŭlaŭ nieasprečny fakt rasstrełaŭ NKVD u Kurapatach.
