Uličvajučy popyt na maski, palčatki i dezynfikujučyja srodki, padzarabić vyrašyŭ 29-hadovy miascovy žychar. U aptekach jon nabyŭ miedycynskija tavary dla nastupnaha prodažu. Pakupnikoŭ znachodziŭ praź internet. Pry hetym i košt tavaru značna pavialičvaŭ, paviedamlaje abłasnaja milicyja.
Padčas sproby prodažu 200 masak, niekalkich skrynak palčatak i dezinfikujučaha srodku mužčynu zatrymali apieratyŭniki pa baraćbie z ekanamičnymi złačynstvami. Jak paviedamlaje UUS Hrodzienskaha abłvykankama, ahułam u jaho kanfiskavali 830 miedycynskich masak, 1500 palčatak i dezinfiektar. Lehalny košt tavaru aceńvajecca ŭ 826 rubloŭ, a prybytak ad realizacyi miedycynskich tavaraŭ małady čałaviek mieŭ namier atrymać značna bolšy.
U dačynieńni da mužčyny składzieny administracyjny pratakoł za niezakonnuju pradprymalnickuju dziejnaść. Sankcyja hetaha artykuła praduhledžvaje štraf u pamiery da sta bazavych vieličyń (2 700 rubloŭ).
