U Mahilovie ŭ kastryčniku 2018 hoda 61-hadovy mužčyna daviedaŭsia pra toje, što adnaho mahiloŭca abvinavačvajuć u ździajśnieńni šerahu ekanamičnych złačynstvaŭ i suprać jaho raspačataja kryminalnaja sprava. Złamyśnik vyrašyŭ uzbahacicca, paviedamlaje Śledčy kamitet.
Jon zapeŭniŭ žonku mužčyny, jaki znachodziŭsia na toj momant pad vartaj, što maje znajomstva ŭ pravaachoŭnych orhanach i hatovy za hrošy zrabić tak, kab jaje muža nie pazbaŭlali svabody.
Dla pieradačy nibyta supracoŭnikam orhanaŭ žančyna addała padazravanamu 69000 dalaraŭ. Ale toj abiacańni vykonvać nie źbiraŭsia, a hrošy zabraŭ sabie. Žančyna sama źviarnułasia ŭ milicyju i raskazała, jak usio było.
Mužčynu abvinavačvajuć u machlarstvie, ździejśnienym u asabliva bujnym pamiery, i padbuchtorvańni da dačy chabaru ŭ bujnym pamiery. Jaho ŭziali pad vartu. Rasśledavańnie praciahvajecca.
