Kali ličyć padziei sakavika 2020 hoda pačatkam kryzisu, to jon razhortvajecca pa scenaryi papiarednich: raście kurs dalara — ludzi kidajucca ŭ abmieńniki, dalaraŭ niama — ludzi biahuć pa techniku, bo ličać jaje choć jakim układańniem.
Takaja situacyja ŭžo pačała naziracca ŭ niekatorych sietkach, što pradajuć elektroniku.
Fatohraf «Našaj Nivy» zajšła ŭ adnu ź minskich kramaŭ sietki «Elektrasiła»: tam pakupniki ŭžo spustošyli cełyja palicy.
Lepš za ŭsio biaruć tannyja televizary.
Telehram-kanał «Maja kraina Biełaruś» raspaŭsiudziŭ videa pustych palic u adnym z «Piatych elemientaŭ».
Praŭda, u inšaj kramie sietki fatohraf «Našaj Nivy» nie zaŭvažyła niejkaha zvyšpopytu.
U pryvatnych razmovach mieniedžary kažuć, što taki adkładzieny popyt dla ich kramy, chutčej, niehatyŭny: «Bo kali ŭsio raźbiaruć ciapier, to ŭ nastupnyja miesiacy prodažy ścichnuć. Hetak byvała i raniej, chvalujemsia, ci nie daviadziecca tady skaračać pradaŭcoŭ».
Pradaŭcy dadajuć, što kuplać techniku bieź pilnaj patreby ludzi pačali z kanca minułaha tydnia.
