«Urad prademanstravaŭ svaju poŭnuju niazdolnaść zrabić adekvatnyja zachady dla taho, kab supraćstajać imklivamu raspaŭsiudžvańniu pandemii ŭ Biełarusi. Ministerstva achovy zdaroŭja, ministerstva adukacyi, inšyja ŭstanovy vykonvajuć nie svoj prafiesijny abaviazak, a zahady źvierchu, pazbaŭlajučy ludziej dakładnaj i rehularnaj infarmacyi pra karanavirus i jaho raspaŭsiud u Biełarusi», — pierakananyja aŭtary zvarotu.
Jakija miery nieadkładna patrabujuć uvieści z 23 sakavika pa 5 krasavika padpisanty?
— admovicca ad udziełu va ŭsialakich masavych mierapryjemstvach;
— nie adpraŭlać dziaciej u jaśli, dziciačyja sadki, škoły dy inšyja navučalnyja ŭstanovy;
— nie naviedvać univiersitety, patrabavać ad kiraŭnictva navučalnych ustanoŭ uviadzieńnia dystancyjnaha navučańnia;
— źvieści svaje sacyjalnyja kantakty da minimumu. U mnohich krainach apraŭdanym padčas karancinu źjaŭlajecca vychad z domu tolki ŭ praduktovuju kramu ci apteku;
— zabiaśpiečyć samaizalacyju i vykanańnie sanitarnych praviłaŭ, pravodzić dbajnuju dezinfiekcyju miescaŭ pražyvańnia, asabliva internataŭ.
«My možam i pavinny sami pakłapacicca pra siabie, pra svaich rodnych i blizkich, nadać asablivuju ŭvahu našym pažyłym svajakam», — nahadvajuć aŭtary zvarotu.
