15-hadovy navučeniec kaledža pa načach kraŭ vyručku i tavar z kramaŭ i ŭstanoŭ hramadskaha charčavańnia. Da ździajśnieńnia złačynstvaŭ u adnych vypadkach jon pryciahvaŭ 14-hadovaha siabra, u inšych — 18-hadovuju znajomuju, piša Źviazda/
U kancy studzienia chłopcy hulali pa viačernim horadzie i natrapili na zakrytuju kaviarniu. Starejšy tavaryš raniej razmaŭlaŭ z rabotnikami ŭstanovy i mierkavaŭ, što kluč znachodzicca va ŭmoŭlenym miescy kala dźviarej. U vyniku padletki znajšli jaho, uvajšli ŭ pamiaškańnie i skrali 500 rubloŭ.
U pačatku lutaha ŭ inšym rajonie stalicy jany raźbili škło i pranikli ŭ handlovy paviljon na rynku. U hety raz ich zdabyčaj stali 70 rubloŭ. Hrošy patracili na zabavy i vypiŭku. Praź niekalki dzion złamyśniki ŭzłamali adrazu try kramy, nie abstalavanyja sihnalizacyjaj. Z dvuch ničoha nie ŭziali, a z treciaj vynieśli tavar amal na 900 rubloŭ. Na nastupnuju ranicu apieratyŭniki kryminalnaha vyšuku vyjšli na ich, a vykradzienaje vyjavili doma ŭ starejšaha zmoŭščyka.
Padčas śledstva padletki znoŭ ździejśnili złačynstva, na hety raz chulihanstva: u horadzie raźbili škło ŭ pryparkavanym aŭtamabili.
Paśla hetaha starejšy chłopiec vyrašyŭ schavacca, i jamu znoŭ spatrebilisia hrošy. Ich jon vyrašyŭ skraści va ŭłasnaj maci. Padletak «za butelku» ŭhavaryŭ nieznajomca ŭzłamać dźviery kładoŭki ŭ baćkoŭskaj kvatery, dzie lažali siamiejnyja źbieražeńni. Z tajnika junak zabraŭ kala 800 rubloŭ u roznaj valucie i adpraviŭsia na taksi ŭ Homiel. Ale płan źniknieńnia nie spracavaŭ — chłopiec znoŭ trapiŭsia syščykam.
U pačatku sakavika na pasiadžeńni kamisii pa spravach niepaŭnaletnich było vyrašana nakiravać 15-hadovaha padazravanaha ŭ śpiecyjalnuju navučalna-vychavaŭčuju ŭstanovu zakrytaha typu. U tuju ž noč jon razam z 18-hadovaj znajomaj abakraŭ dźvie handlovyja kropki. Dziaŭčyna raźbivała kamieniem škło, a junak uvachodziŭ u pamiaškańnie, zabiraŭ hrošy i tavar. Ich zdabyčaj stali kala 600 rubloŭ, jakija para vydatkavała na kuplu ŭ łambardzie dvuch modnych smartfonaŭ.
Zaraz idejny natchnialnik usich złačynstvaŭ źmieščany ŭ izalatar časovaha ŭtrymańnia. U dačynieńni da ŭsich traich udzielnikaŭ raspačatyja kryminalnyja spravy.
