Błohier Ściapan Puciła (Niechta) parazvažaŭ u šou «Morkva» z Kaciarynaj Markoŭskaj pra spravu svajho kalehi Uładzimira Čudziancova.
Uładzimir Čudziancoŭ
Čudziancoŭ znachodzicca pad vartaj. Jamu inkryminujuć kantrabandu narkotykaŭ i hvałtoŭnyja dziejańni seksualnaha charaktaru ŭ dačynieńni da zaviedama niepaŭnaletniaha.
Ściapan Puciła
Ściapan Puciła: Ja absalutna nie vieru ŭ spravu ź piedafilijaj. Tamu što navat mnie, kali my ź im kamunikavali, nijakich namiokaŭ nie było. Z Ramanam [Pratasievičam] taksama. Mahčyma, u jaho byli niejkija schilnaści da hetaha, ale nikoli ŭ žyćci nie pavieru, što jon moh pierastupić zakon i, naprykład, z tymi, kamu mienš za 16 hadoŭ…
Kaciaryna Markoŭskaja: Što ciabie prymušaje dumać, što takija schilnaści mahli b być?
Ściapan Puciła: Cha-cha… Nu… Hetaja sprava, jakaja vypłyła…
Kaciaryna Markoŭskaja: Vypłyła na «Našaj Nivie»?
Ściapan Puciła: Tak.
Kaciaryna Markoŭskaja: Ale ž ty kažaš, što heta paklop, što hetaha nie moža być?
Ściapan Puciła: Hetaha nie moža być, ale, nu mahčyma, — ja nie vyklučaju, ja nie viedaju — i było. Ale ŭ adnosinach da mianie namiokaŭ nie było.
Kaciaryna Markoŭskaja: U dačynieńnia da ciabie namiokaŭ nie było, my heta zrazumieli. Ale ŭ pryncypie my schilnyja aceńvać ludziej: moža ŭ jaho być takaja schilnaść ci nie?
Ściapan Puciła: Nu paru žartaŭ u jaho było na hetuju temu. Ale ź dziećmi tam ničoha nie było.
Kaciaryna Markoŭskaja: Na temu homaseksualnych kantaktaŭ?
Ściapan Puciła: Tak. Ale heta narmalna, heta ŭ luboj śfiery i redakcyi, u nas tut [na «Biełsacie»] taksama nakont hetaha žarty iduć.
Čytajcie. «Jamu padabałasia słova «bojłaver». Hłuchi padletak, adna z achviar žurnalista Č., raskazaŭ svaju historyju
